दाङ । नेकपा एमालेका महासचिव शंकर पोखरेलले गठबन्धन सरकारकै कारण अर्थतन्त्र तहसनहस भएको बताएका छन् ।
घोराहीमा भएको पत्रकार सम्मेलनमा बोल्दै महासचिव पोखरेलले यस्तो बताएका हुन् ।
महासचिव पोखरेलले सत्ता गठबन्धन भत्काउने एमालेको कुनै योजना नरहेको समेत बताए।
उनले भने, ‘हामी अहिलेको १० दलीय गठबन्धन भत्काउन लाग्दैनौँ । सरकारले देश र जनताका पक्षमा काम गरेमा हामी साथ दिन्छौ । फेरि सरकारमा पुग्न गठबन्धन भत्काउन सोच राख्दैनौँ ।’
महासचिव पोखरेलले सरकार बनाउने र भत्काउनेमा मात्रै ध्यान जाँदा अस्थिरता मौलाएको भन्दै तत्काल गठबन्धन भत्काउन एमाले नलाग्ने बताए ।
पोखरेलले सरकार देश र जनताभन्दा विदेशीको काँधमा चढेर राष्ट्रिय स्वाधीनता विरोधी गतिविधिमा लागे एमालेले सधैँ विरोध गर्ने बताए ।
प्रतिक्रिया!
