काठमाडौं । नेपाली कांग्रेसका महामन्त्री गगन थापाले सत्ता गठबन्धनमा मन्त्रालय बाँडफाँटको टुंगा नलाको बताएका छन् ।
गिरिजाप्रसादको स्मृति दिवसमा प्रेस युनियनको विचार गोष्ठीमा बोल्दै महामन्त्री थापाले यस्तो बताएका हुन् ।
महामन्त्री थापाले मन्त्रालय बाँडफाँटको टुंगा नलागेकाले मन्त्रिपरिषद् विस्तारमा अझै केही दिन लाग्ने बताए ।महामन्त्री थापाले भने, ‘ सत्ता गठबन्धनको बीचमा समझदारी बनाउनुपर्नेछ । दलहरू धेरै छन्, दलभित्र आकांक्षीहरू झन् धेरै छन् । त्यसलाई मिलाउँदा केही समय लाग्न सक्छ ।’
उनले गठबन्धनमा संसदभित्रको अंकगणितभन्दा अस्वाभाविक हुने गरी दाबी गर्दा मन्त्रालय बाँडफाँटमै समस्या हुने बताए । उनले दलहरूले संसद्भित्रको गणितलाई बिर्सिएर मन्त्रालयमा अस्वभाविक दाबी पेस गर्दा समस्या हुने बताए ।
प्रतिक्रिया!
