काठमाडौं । वुमन्स प्रिमियर लिग (डब्लूपीएल) को पहिलो संस्करणको उपाधि मुम्बई इन्डियन्सले जितेको छ ।
आइतबार भएको फाइनल खेलमा दिल्ली क्यापिटल्सलाई सात विकेटले पराजित गर्दै मुम्बई पहिलो संस्करणको च्याम्पियन बनेको हो ।
मुम्बईस्थित ब्रेबोन रंगशालामा सम्पन्न फाइनलमा दिल्लीले प्रस्तुत गरेको १३२ रनको लक्ष्य मुम्बईले १९.३ ओभरमा तीन विकेट गुमाएर पूरा गर्यो ।
त्यसअघि टस जितेर ब्याटिङमा आएको दिल्लीले निर्धारित २० ओभरमा नौ विकेट गुमाएर १३१ रनको योगफल तयार पारेको थियो ।
प्रतियोगिताको पहिलो संस्करणमा मुम्बई, दिल्ली,यूपी वारिओर्ज, रोयल च्यालेन्जर्स बेङ्लोर र गुजरात जायन्ट्स गरी पाँच टिम सहभागि थिए ।
प्रतिक्रिया!
