काठमाडौं । गत चैत २ गते महोत्तरीबाट पैदल हिँडेर आईतबार काठमाडौं आइपुगेका मिटरब्याजी पीडितहरु र काठमाडौं महानगरपालिका नगरप्रहरीबीच तनाव भएको छ ।
मिटरव्याजी पीडितहरु खुलामञ्च प्रवेश गर्न खोज्दा महानगरले अवरोध गरेपछि दुईपक्षबीच तनाव भएको हो ।
उनीहरू खुलामञ्चमा आउने तयारी गरेको थाहा पाएपछि नगर प्रहरीसहितको महानगरको टोलीले यसअघि नै खुलामञ्चको गेटमा ताला लगाएको थियो ।
जबरजस्ती खुलामञ्च र्छिन खोजेपछि महानगरका नगरप्रहरीले रोक्न खोजेको थियो । तर ठूलो संख्यामा आएको मिटरव्याजी पीडितहरुले महानगरविरुद्ध नाराबाजी गरेका छन् ।
झडप हुन खोजेपछि ठूलो मात्रमा नगरप्रहरी र नेपाल प्रहरी तैनाथ गरिएको छ ।
प्रतिक्रिया!
