पाल्पा । नेकपा एमाले अध्यक्ष केपी शर्मा ओलीले प्रधानमन्त्री भएर धेरै काम गरेको भन्दै फेरि पनि प्रधानमन्त्री बन्न कुनै रहर नभएको बताएका छन् ।
पाल्पामा आयोजित मिशन ग्रासरुट अभियानलाई सम्बोधन गर्दै अध्यक्ष ओलीले यस्तो बताएका हुन् ।
अध्यक्ष ओलीले भने, ‘प्रधानमन्त्री भएर मैले धेरै काम गरेको छु। तपाइँहरूले मन पनि पराउनुभएको छ। यतिले मलाई पुगेको छ । तर देश जोगिन पर्यो। देशको रक्षा हुनपर्यो।’
ओलीले नेपाल-भारतको विवादित सीमा लिपुलेक, लिम्पियाधुरा र कालापानीका विषयमा टिप्पणी गरे।
उनले आफू प्रधानमन्त्री हुँदा रहेको देशको सीमाना अहिले खुम्चिएको बताए।
प्रतिक्रिया!
