काठमाडौं । प्रधानमन्त्री थ्री नेसन्स कपअन्तर्गत मंगलबार भएको खेलमा नेपालले अन्तिम समयमा भुटानविरुद्ध गोल फर्काएको छ ।
काठमाडौंको दशरथ रंगशालामा भएको खेलमा नेपालले भुटानविरूद्ध गोल फर्काएको हो । दिपक राज सिंह ठकुरीले ८९ औँ मिनेटमा गोल गरेसँगै नेपालले थ्री नेशन्स कपको फाइनल यात्रा पक्का गरेको छ ।
भुटानले नेपालविरुद्ध लगातार १३ खेलको पराजयपछि नेपाली भूमिमै जित निकाल्ने योजना पनि तुहिएको छ।
दावा छिरिङको कर्नरमा तेन्जिङ नोर्बुले खेलको २० औँ मिनेटमा गोल गर्दै भुटानलाई अग्रता दिलाएका थिए । अब नेपालले फाइनलमा आउँदो शुक्रवार लाओससँग खेल्नेछ ।
प्रतिक्रिया!
