काठमाडौं । मन्त्रालयको भागबन्डा मिलाउन सत्ता गठबन्धनको बैठक आज पनि बस्दैछ ।
मंगलबार बसेको बैठकमा मन्त्रालय भागबण्डाबारे सामान्य छलफल भए पनि सहमति नभएपछि आज फेरि बैठक बस्न लागेको हो ।
बैठक बुधबार बिहान ९ बजेतिर, प्रधानमन्त्रीको सरकारी निवास बालुवाटारमा बस्नेछ । नेपाली कांग्रेसले आठ, नेकपा (एकीकृत समाजवादी)ले तीन, जसपाले तीन र लोसपाले दुई मन्त्रालयको दाबी नछोडेपछि बैठक विनानिस्कर्ष टुंगिएको थियो ।
मंगलबार बालुवाटारमा बसेको गठबन्धनको बैठकमा प्रधानमन्त्री पुष्पकमल दाहाल प्रचण्डले सरकारको न्यूनतम साझा कार्यक्रमको मस्यौदा प्रस्तुत गरेका थिए ।
प्रतिक्रिया!
