काठमाडौं । सशस्त्र प्रहरी बलका नेपालका महानिरीक्षक राजु अर्यालले थप बोर्डर आउट पोस्ट (बीओपी)हरू आवश्यक रहेको बताएका छन् ।
मंगलबार २३औँ सशस्त्र प्रहरी दिवसका अवसरमा हलचोकमा भएको समारोहलाई सम्बोधन गर्दै महानिरीक्षक अर्यालले सीमा सुरक्षालाई अझ प्रभावकारी बनाउन बीओपीहरू आवश्यक रहेको बताएका हुन् ।
उनले सशस्त्र प्रहरीले राज्यको सीमा रक्षार्थ बोर्डर आउट पोस्टको स्थापना गरी कार्य सञ्चालन गरिरहेको बताए ।
राज्यको सीमा सुरक्षा पहराले मात्रै बलियो नहुने भन्दै उनले सीमा क्षेत्रका नागरिकको मन र विश्वास जितेर परिचालित हुन सके मात्रै प्रभावकारी हुने बताए ।
प्रतिक्रिया!
