धर्मेन्द्र प्रसाद यादव, बिरगंज २१ असार- प्रधानमन्त्री कृषि आधुनिकीकरण परियोजना चक्लाबन्दि पकेट /ब्लक जोन कार्यक्रम अन्तर्गत मेसिन द्वारा धान रोप्ने कार्यक्रम आज सम्पन्न भएको छ ।
पर्सागढी नगरपालिका वडा न ३ को झुलिटार गाउमा मेसिन बाट धान रोप्ने कार्यक्रम सम्पन्न भएको हो ।
सुनाखरी कृषि सहकारी सस्था पर्सागढी नगरपालिका – ३ को आयोजना र प्रधानमन्त्री कृषि आधुनिकीकरण परियोजना कार्यान्वयन इकाई पर्साको सहयोगमा किसान लाई आधुनिक कृषि रोपाइको लागि मेसिन बाट करिब ६ कठा रोपाइ गरि देखाईयकाे थियाे ।
कृषि क्षेत्रमा आधुनिकीकरण र प्रबिधिकरण भईरहेको समयमा यो मेसिन पनि धेरै नै उपयोगी देखिएको छ।
यस प्रबिधि बाट रोपाई गर्दा ४०% श्रम कार्यकुशलता हुने ६० % समयको बचत हुने र १०% उत्पादनमा वृद्धि हुने प्रधानमन्त्री कृषि आधुनिकीकरण परियोजना कार्यान्वयन इकाइ पर्साका प्रमुख रोसन अधिकारी ले बताउनुभयो ।
साथै नया प्राविधिक तर्फ कृषकहरुलाई आकर्षक गर्न धान जोन अन्तर्गत रहेका कृषक हरुको आगामी बर्ष देखि मेसिन बाट धान रोपाइ गरिने र कृषिमा आधुनिकरण र यान्त्रिकरणको विकास संग संगै अहिलेको बैज्ञानिक यूगमा यो मेसिन अति नै आव्श्यक रहेको उनले बताए ।
कार्यक्रममा कृषि औजार केन्द्र पर्साका कृषि प्रविधिक अधिकृत द्वारिका चौधरी र कृषि ईन्जिनियर छिरिङग शेर्पाले सुनाखरी कृषि सहकारी संस्थाकी अध्यक्ष सरस्वती भट्टराई , बिक्रम कार्की स्थानीय संचारकर्मी लगायत किसान हरुको सहभागीता रहेको थियो ।
मेसिनबाट धान रोपेको पहिलो पटक हेर्न पाएर किसानहरु धेरै नै हर्षित र उत्साहित भएका थिए।अगामी दिनहरुमा यस्तो प्रबिधिबाट खेती गर्ने अपेक्षा राख्दै चक्लाबन्दी खेतीलाई पनि प्राथमिकतामा राख्ने सुनखारी सहकारी संस्थाकी अध्यक्ष सरस्वती भट्टराईले बताउनु भयो।
