मोरङ । चेक अनादर मुद्दामा दुई वर्ष कैद सजाय पाएका मोरङका विजयशंकर झा प्रहरीको सुरक्षामा रहेका बेला मोरङ जिल्ला अदालत परिसरबाटै फरार भएका छन् ।
उनलाई प्रहरीले लामो समयपछि सुनसरीको दुहबीबाट पक्राउ गरी आइतबार सजाय कार्यान्वयनका लागि जिल्ला अदालत मोरङ ल्याएको थियो । तर अदालतमा बुझाउने क्रममा उनले शौचालय जाने बहाना बनाएर प्रहरीको आँखा छल्दै भाग्न सफल भएका हुन् ।
मोरङका प्रहरीका अनुसार झा लामो समयदेखि अदालतको फैसला कार्यान्वयन हुन नदिई फरार रहँदै आएका थिए। अदालतले उनलाई दुई वर्ष कैद सजाय तोकेको थियो ।
मोरङ प्रहरीका प्रमुख एसपी नारायण चिमोरियाले घटना पुष्टि गर्दै फरार अभियुक्तको खोजी तीव्र पारिएको जानकारी दिए ।यस घटनाले अदालत परिसरभित्रै सुरक्षाको चुनौती र प्रहरीको लापरवाहीतर्फ प्रश्न उठाएको छ ।
तपाईको प्रतिक्रिया !