एजेन्सी । पाकिस्तानमा हिन्दू धर्मावलम्बी चिकित्सकको कराँचीमा गोली हानेर हत्या भएको छ ।
आफ्नो क्लिनिकबाट घर फर्कँदै गरेका डाक्टर बीरबल गेनानीको बिहीबार गोली हानेर हत्या भएको हो ।
कराँची महानगरपालिकाका पूर्वस्वास्थ्य निर्देशक तथा आँखा विशेषज्ञ डा गेनानीलाई अज्ञात समूहले गोली हानेको थियो । उनको घटनास्थलमा नै मृत्यु भएको प्रहरीले जनाएको छ ।
यस्तै डा गेनानीसँगै रहेकी एक जना सहयोगी चिकित्सलाई पनि गोली लागेको छ । उनको उपचार भइरहेको बताइएको छ । घटनाबारे प्रहरीले अनुसन्धान थालेको छ ।
प्रतिक्रिया!
