काठमाडौं । काठमाडौंको गोठाटारमा भएको लाल मोहम्मदको हत्यामा संलग्न रहेको आरोपमा पक्राउ परेका तीन जना मध्ये दुई जना हतियार व्यवस्थापन गर्नेहरु भएको खुलेको छ ।
पक्राउ परेकामध्ये दुई पुरुष सुटरलाई हतियार व्यवस्थापनमा संलग्न रहेको प्रहरी अनुसन्धानबाट खुलेको हो । असोज ४ गते बेलुकी भएको हत्याको घटनामा संलग्न दुई जना पुरुष र एक जना महिलालाई प्रहरीले पक्राउ गरेको थियो ।
उनीहरुलाई भारतीय नागरिकले हतियार दिएको र वीरगञ्जमा हतियार बुझेका उनीहरुले काठमाडौंमा सुटरलाई बुझाएका थिए । उनीहरुले २ असोज अर्थात घटनाको अघिल्लो दिन नै सुटरलाई हतियार बुझाएका थिए ।
त्यसबाट फर्किएका उनीहरु वीरगञ्जमा पक्राउ परेका हुन् । पक्राउ परेकी अर्की एक महिला भने रेकी गर्न प्रयोग भएको प्रहरीको दाबी छ । उनी लागू औषधसम्बन्धी मुद्दामा जेल समेत परेकी थिइन् ।
गत असोज ३ गते काठमाडौंको गोठाटारस्थित जम्बुडाँडामा गार्मेन्ट व्यवसायी लाल मोहम्मदको गोली हानी हत्या भएको थियो । मोटरसाइकलमा आएका २ जनाले गोली हानी फरार भएका थिए ।
घटनाको अनुसन्धानका लागि काठमाडौं उपत्यका अपराध कार्यालयका प्रमुख, एसएसपी जनक भट्टराईको संयोजकत्वमा समिती गठन भएको थियो।
