काठमाडौं । राष्ट्रिय प्रजातन्त्र पार्टी (राप्रपा) वरिष्ठ उपाध्यक्ष रवीन्द्र मिश्रले कांग्रेस नेता प्रकाशमान सिंहले १५ वर्षसम्म केही काम नगरेको आरोप लगाएका छन् ।
काठमाडौं १ बाट प्रतिनिधि सभामा उम्मेदवारी घोषणा गर्दै वरिष्ठ उपाध्यक्ष मिश्रले यस्तो बताएका हुन् ।
मिश्रले काठमाडौं १ बाट चुनाव जित्दै आएका कांग्रेस नेता प्रकाशमानले १५ वर्षसम्म केही काम नगरेको बताए ।
उनले भने, ‘संसद् भवन काठमाडौं १ मा पर्छ । एकजना व्यक्ति १५ वर्षदेखि यहाँबाट सांसद बन्नुभएको छ ।
उहाँलाई सोध्नुस् १५ वर्षमा कति दिन संसद् चल्यो ? कति दिन उपस्थित हुनुभयो । १५ वर्षमा के गर्नुभयो?’
बस्न योग्य नभएको काठमाडौंलाई व्यवस्थित बनाउने आफ्नो योजना रहेको मिश्रले बताए ।
प्रतिक्रिया!
