काठमाडौं । प्रहरी अतिरिक्त महानिरीक्षक (एआईजी) श्यामलाल ज्ञवालीले काठमाडौं उपत्यका प्रहरी कार्यालय रानीपोखरीको प्रमुखको कमाण्ड सम्हालेका छन् ।
केहि दिनअघि मात्रै एआईजीमा बढुवा भई रानीपोखरीमा पदस्थापना भएका ज्ञवालीले आज पदभार ग्रहण गरेका हुन् ।
ज्ञवालीलाई प्रहरी अधिकृत तथा जवानहरूले स्वागत गरेका थिए ।
पदभार ग्रहण पश्चात उपस्थित प्रहरी कर्मचारीहरूलाई समसामयिक विषयमा आवश्यक निर्देशन दिएका छन् ।
नेपाल प्रहरीमा स्वच्छ छबी बनाएका एआईजी ज्ञवाली कमाण्डीङ क्षमतामा पनि अब्बल मानिन्छन् ।
प्रतिक्रिया!
