सुनसरी। गुडिरहेको मोटरसाइकलबाट खसेर एक महिलाको मृत्यु भएको छ ।
सुनसरीको बर्जु गाउँपालिका–२, ढट्टाटोलमा बर्जु–३ की ३६ वर्षीया चन्द्रकलादेवी रायको को ७ प ५६५ नम्बरको मोटरसाइकलबाट खसेर मृत्यु भएको हो ।
उनी गुडिरहेको मोटरसाइकलमा पछाडि सवार थिइन् । उनलाई अस्पताल पुर्याउनासाथ चिकित्सकले मृत घोषणा गरेका प्रहरीले जनाएको छ ।
सो मोटरसाइकलका चालक एवं मृतक महिलाका श्रीमानलाई सुनसरी प्रहरीले नियन्त्रणमा लिएको छ ।
प्रतिक्रिया!
