पोखरा । स्वतन्त्र विद्यार्थी युनियन गराउन खटिएका निर्वाचन अधिकृतको राजीनामा माग गर्दै पोखरा लामाचौरस्थित इन्जिनियरिङ अध्ययन संस्थान, पश्चिमाञ्चल क्याम्पसमा विद्यार्थीले आमरण अनसन थालेका छन् ।
नेविसंघमा आबद्ध एउटा समूहका विद्यार्थीले निर्वाचन समितिले धाँधलीपूर्ण गरेको भन्दै स्ववियु निर्वाचन अधिकृतको राजीनामा माग गर्दै क्याम्पसमै आमरण अनसन बसेका हुन् ।
निर्वाचन अधिकृतले राजीनामा दिनुपर्ने, नयाँ निर्वाचन अधिकृत र नयाँ निर्वाचन तालिका घोषणा हुनुपर्ने उनीहरूको माग छ ।
सोही समूहले स्ववियु कार्यालय र क्याम्पस प्रशासन कार्यालयमा तालाबन्दी पनि गरेको छ ।
प्रतिक्रिया!
