काठमाडौं । आईसीसी विश्वकप क्रिकेट लिग-२ अन्तर्गत आजको अन्तिम खेलमा नेपाल र युएईबीच प्रतिस्पर्धा भइरहेको छ ।
खेल हेर्न प्रधानमन्त्री पुष्पकमल दाहाल ‘प्रचण्ड’समेत कीर्तिपुर पुगेका छन् ।
त्रिवि क्रिकेट मैदानमा मैदानमा युएईले टस जितेर ब्याटिङ रोजेपछि नेपालले बलिङ गर्दैछ । खेल हेर्न आएका समर्थकहरूको त्रिवि क्रिकेट मैदान बाहिर भिड छ ।
क्यानले बुधबार नै सबै टिकट बिक्री भएको बताए पनि केही समर्थक भित्र छिर्न पाउनुपर्ने माग सहित मैदान बाहिर छन् ।
नेपालको राष्ट्रिय झण्डा बोकेकाहरुले नेपाली टोलीलाई हौसला प्रदान गरिरहेका छन् ।
युएईविरुद्धको आजको खेलमा विजयी भए नेपाल लिग टुको शीर्ष तीनमा अटाउँदै जिम्बाब्वेमा हुने ग्लोबल छनोटमा सहभागी हुन पाउने छ ।
प्रतिक्रिया!
