चितवन । बालक अपहरण गरेको आरोपमा चितवन प्रहरीले महिलालाई पक्राउ गरेको छ । पक्राउ पर्नेमा भारतको रहसी गाउँ घर भएकी ३८ वर्षीया अनिता पाल रहेकी छन् ।
जिल्ला प्रहरी कार्यालय चितवनका अनुसार भरतपुर महानगरपालिका–१७ गञ्जनगर घर भएका ४ वर्षीया बालकलाई पालले मंगलबार दिउँसो ललाइफकाइ लैजान लागेकी थिइन्।
पालको व्यवहार शंकास्पद लागेपछि प्रहरीले उनलाई नियन्त्रणमा लिएको थियो । प्रारम्भिक अनुसन्धानका क्रममा उनले बालकको अपहरण गरी लैजान लागेको खुलेको छ ।
पक्राउ परेकी पालविरुद्ध चितवन जिल्ला अदालतबाट अपहरण तथा शरीर बन्धकसम्बन्धी कसूरमा ४ दिनको म्याद लिएर अनुसन्धान सुरु गरिएको छ ।
प्रतिक्रिया!
