काठमाडौं । आमरण अनशन बसेका डा. गोविन्द केसीलाई उपचारका लागि शिक्षण अस्पतालमा भर्ना गरिएको छ । चिकित्सा क्षेत्रको सुधारसहित विभिन्न ७ माग राखी ९ दिनदेखि अनशनरत छन् ।
स्वास्थ्य स्थिति जटिल हुँदै गएपछि धनगढीबाट श्री एयरलायन्सको नियमित उडानबाट बुधबार साँझ उनी काठमाडौं आएका थिए ।
धनगढीमा अनसन बसिरहेको डा. केसीले आफ्नै खर्चमा केही स्वास्थ्यकर्मीसहित काठमाडौं आएको बताइएको छ ।
उनी अहिले त्रिवि शिक्षण अस्पतालमा थप उपचारका लागि भर्ना भएका हुन् ।
अस्पतालको ५०१ नम्बर बेडमा भर्ना भएलगत्तै केसीको उपचार शुरु गरिएको छ ।
उनको उपचारका लागि अस्पतालले डाक्टर प्रमेशसुन्दर श्रेष्ठको संयोजकत्वमा ५ सदस्यीय उपचार व्यवस्थापन समिति गठन गरेको छ । उनलाई लिन मंगलबार धनगढी पुगेको नेपाली सेनाको हेलिकप्टर भने रित्तै फर्किएको थियो ।
प्रतिक्रिया!
