इलाम । इलाम कारागारबाट बिहीबार भागेका कैदी पुनः पक्राउ परेका छन् ।
डाँका मुद्दामा अदालतले दोषि ठहर गरेका ३४ वर्षीय साइला भन्ने मनराज राई शुक्रबार पुनः पक्राउ परेका हुन् ।
जिल्ला प्रहरी कार्यालय इलामका अनुसार मनराजलाई इलाम नगरपालिका ९ र १० स्थित माइखोला दोबानबाट पक्राउ गरेको हो । उनलाई अहिले जिल्ला प्रहरी कार्यालय लगिएको छ ।
कैदी फरार भएपछि इलामका प्रहरी प्रमुख एसपी दिलिप घिमिरेको नेतृत्वमा टोली खटिएको थियो । गत असोजमा डाँका मुद्दामा जेलमा परेका राईलाई जिल्ला अदालतको गत कात्तिक १५ को फैसला अनुसार ८ वर्ष कैद र ८० हजार रुपैयाँ जरिमाना तोकिएको छ ।
तपाईको प्रतिक्रिया !