शोभा पाठकलाई ३ दिन हिरासतमा राख्न अदालतको अनुमति

काठमाडौँ । शोभा पाठकलाई ३ दिन हिरासतमा राखेर अनुसन्धान गर्न अदालतले प्रहरीलाई अनुमति दिएको छ । विद्युतीय कारोबार ऐन–२०६३ अन्तर्गतको कसुरमा पक्राउ परेकी उनलाई काठमाडौँ जिल्ला अदालतले हिरासतमा राखेर अनुसन्धान गर्न प्रहरीलाई अनुमति दिएको हो ।

उनीविरुद्ध राजकुमार त्रिपाठीले जोहरी दर्ता गराएका छन् । मंसिर १८ मा जाहेरी दर्ता गरेर प्रहरी वृत्त स्वयम्भूले उनीविरुद्ध पक्राउ पुर्जी लिएको थियो । नेकपा (एमाले)का नेता महेश बस्नेतविरुद्ध उनले बलात्कार र भुण हत्याको आरोप लगाउँदै आएकी छन् । सोमबार प्रहरी वृत्त सिंहदरबारको टोलीले पक्राउ गरेर उनलाई स्वयम्भूको जिम्मा लगाएको थियो ।