वीरगंज । वीरगंज महानगरपालिका–१६ गणेश टोलमा प्रहरीले ठूलो परिमाणको चरेस बरामद गरेको छ ।
विशेष सूचनाको आधारमा खटिएको वडा प्रहरी कार्यालय विर्ताको टोलीले १९ किलो ५०० ग्राम चरेस बरामद गरेको हो । प्रहरी निरीक्षक निरोज चौलागाईका अनुसार गणेश टोलको भित्री सडकमा मोटरसाइकलमा बोरामा राखिएको अवस्थामा चरेस बरामद गरिएको हो । घटनास्थलमा प्रहरी पुग्दा नम्बर नखुलेको मोटरसाइकलसहित तस्कर फरार भएका थिए ।
बरामद गरिएको चरेस १३ वटा प्याकेटमा रहेको थियो। उक्त चरेस हाल प्रहरी कार्यालयमा राखिएको छ भने फरार तस्करको खोजी भइरहेको निरीक्षक चौलागाईले जानकारी दिए ।
प्रहरीले तस्करीको नेटवर्क र यसमा संलग्न अन्य व्यक्तिहरूको पहिचानका लागि अनुसन्धान तीव्र पारिएको जनाएको छ ।
प्रतिक्रिया!
